Lidhja Demokratike e Kosovës në Prizren, ka reaguar për bojkotimin e mbledhjes së jashtëzakonshme nga pozita. “Seanca e jashtëzakonshme e Kuvendit Komunale ishte edhe një shfaqje e çoroditur e pushtetit të korruptuar, i cili fund e krye, është degradua si është me së keqi”, thuhet në komunikatën e LDK-së.
“Pushtetarët në Prizren, nuk patën guxim të përballen me te vërtetën”.
“Kryesuesi e Kuvendit Komunal, në vend që t’i jap fjalën grupeve parlamentare opozitare që e iniciuan thirrjen e seancës së jashtëzakonshme, ai ia mohoi të drejtën opozitës që të flasë. Kjo përben cenim të vrazhde të normave demokratike. Pushteti Komunal ne Prizren ka rrëshqit ne arbitraritet, dhe ketë nuk munde ta durojnë më qytetaret e Prizrenit”.
“Lidhja Demokratike e Kosovës , edhe një herë kërkon dorëheqjen e të dënuarit Ramadan Muja, në mënyre që të gjendet zgjidhje, për të dal nga situata e palakmueshme që ka kaplua qytetin e Prizrenit. Nuk mundë të qeveriset Komuna e Prizrenit nga një person me presedan penal”./PrizrenPress.com/