Interesimi për t’u regjistruar në Gjimnazin “Gjon Buzuku” në Prizren është i lartë. Zëvendësdrejtori, Beqir Leti, tha se në këtë vit në këtë shkollë do të pranohen 450 nxënës.
Sipas tij, këto vende janë të interesuar t’i zënë shumë nxënës. ”Interesimi është jashtëzakonisht i madh i nxënësve që të pranohen në këtë shkollë”, tregon Letaj
Sipas tij, përveç nxënësve të komunës së Prizrenit, në Gjimnazin “Gjon Buzuku” janë të interesuar të pranohen edhe nxënësit e komunave të tjera.”Kërkesa është e lartë edhe nga nxënësit e shollave të komunave të tjera. Ata mund të pranohen vetëm në drejtimet ku interesimi është më i vogël, sic është drejtimi i matematikës apo informatikës, por jo edhe në drejtimet ku konkurrenca është e madhe”, tha Letaj
Sipas tij, pranimi i nxënësve në Gjimnazin “Gjon Buzuku” në Prizren, do të bëhet sipas kritereve që janë përcaktuar nga Ministria e Arsimit në Prishtinë. “ Ne po i përmbahemi strik kritereve të përcaktuara nga Ministria e Arsimit”, tha Letaj.
Ai tregoi se pranimi i nxënësve ka filluar të bëhet edhe në paralelet në Gjonaj, Romajë, Velezhë dhe Zhurë. / PrizrenPress.com/
