Shoqëria civile në Prizren vazhdon të mbetët këmbënulëse në mbrojtje të “Qendrës historike” nga degradimi. Madje ajo për këtë ka kërkuar përkrahje të Zyrës së BE-së në Kosovë.
Ligji për Qendrën Historike të Prizrenit, i miratuar në Kuvendin e Kosovës, para dy vitesh, siç duket nuk po gjen zbatim në praktikë pasi që kjo zonë e vjetër e qytetit është degraduar bukur shumë nga ndërtimet e një pas njëshme që po bëhen kohëve të fundit, raporton RTK.
Ky degradim ka shqetësuar shoqërinë civile e cila ndonëse nuk ka gjetur përkrahjen e duhur tek pushteti lokal për mbrojtjen e saj, një gjë të tillë po e kërkon nga ndërkombëtarët dhe atë tek zyra e BE-së në Kosovë.
Gjatë një takimi që kishin pasur dy palët me herët pikërisht në Prizren përfaqësuesi special i BE-së u premtoi organizatave të shoqërisë civile se do kenë mbështetje të pa shoq ku bëhet fjalë për pjesën e vjetër të qytetit.
Hajrullah Çeku, drejtor ekzekutiv i OJQ-së “Ec ma ndryshe” thotë se zhvillimet e fundit në këtë qendër lënë shumë për të dëshiruar.
“I kemi bartë disa nga shqetësimet tona si shoqeri civile në raport me këtë qendër tek përfaqësuesi special i BE-së dhe kemi kërkuar nga kjo zyrë dhe faktorët tjerë përkrahje që të gjejmë zgjidhje të qëndrueshme për ta penguar dhe ndaluar degradimin e “Qendrës historike” dhe bashkërisht për të investuar për planet zhvillimore në këtë qendër”, tha ai.
E kryeinspektori prizrenas, Bedri Bytyqi i cili me të marrë detyrën në këtë fillimvit ishte treguar shumë0 i ashpër ndaj degraduesve të pjesës së vjetër të qytetit, nuk ka marrë ndonjë hap konkret në parandalimin e ndërtimeve pa leje. Ai deklarohet në respektim të ligjeve në fuqi sai përket ruajtjes së kësaj pjese.
“Qendrën historike të Prizrenit do ta mbrojmë dhe jemi duke e mbrojtur. Tani kemi edhe fazat konkrete që po fillojmë ti realizojmë. Në këtë fazë jemi në përfundim të tenderimit të vendosjes së pistonave që kufizojnë lëvizjen e qytetarëve në atë zonë, kontrollohet ndërtimi, kur do të hyjnë ngarkesat e materialeve ndërtimore e dalin. Do kemi qasje të re. Janë marrë hapa. Të gjitha objektet që janë në ndërtim janë me leje konform planit rregullativ për qendrën e konservuar. Do të vazhdojmë ta monitorojmë gjatë 24 orëve”, thotë Bytyqi.
Ndërkombëtarët të cilët edhe ishin përkrahës të ligjit për qendrën historike disa herë u patën bërë thirrje përfaqësuesve të institucioneve kompetente që të marrin masa adekuate për zbatimin e Ligjit për këtë Zonë të Veçantë të Prizrenit.