Përderisa partnerët e koalicionit për formimin e qeverisë së re, PDK dhe LDK po bisedojnë për ndarjen e resorëve për përcaktimin e programit qeverisës, Lista Serbe është duke pritur ftesën e tyre për pjesëmarrjen në qeverinë e re.
Kryetari i Listës Serbe, Aleksandër Jabllanoviq, thotë se ky subjekt i ka kushtet e veta.
Kushtet e Listës Serbe, sipas Jabllanoviqit, që nga fillimi kanë qenë formimi i Asosacionit të Bashkësisë së komunave me shumicë serbe, të mundësohet kthimi i pronës së Kishës Ortodokse Serbe, kthimi i serbëve të zhvendosur në pronat e tyre, si dhe të anulohet privatizimi i ndërmarrjeve në mjediset ku jetojnë serbët. /kosovasot/