Legjenda e boksit Luan Krasniqi, ka njoftuar përmes Facebook-ut, se është takuar me kancelaren gjermane Angela Merkel në takimin “Media Night 2014” e cila u mbajt në kryeqytetin e Gjermanisë në Berlin.
Ish boksieri i njohur shqiptaro-gjerman në një postim në rrjetin social Facebook, shkruan:
“Unë, së bashku me mikun tim dhe këshilltarin Christoph Schickhardt, isha i pranishëm, në cilësinë e mysafirit, në Media Night 2014 dhe pata mundësinë të bisedoj shkurtimisht, me Bundeskancelaren gjermane Angela Merkel, që është një personalitet i përmasave të veçanta. Ishte ky takim i rëndësishëm dhe mbreslënës”, ka shkruar Krasniqi në Facebook, citon Dialogu.