Pas një debati të gjatë në Kuvendin Komunal të Malishevës rreth gjendjes së krijuar në arsimin e kësaj komune të dyja palët kanë mbetur në pozitat e tyre të mëparshme, shkruan Koha Ditore.
Ndonëse kryesuesi i KK-së, Enver Hoti, ka tentuar që seanca e jashtëzakonshme e nisur pak ditë më parë të vazhdonte siç ishte votuar, për të qenë e mbyllur, pasi e ka parë disponimin e të gjitha subjekteve që ajo të jetë e hapur, e ka hedhur në votim këtë dhe ka fituar opsioni i hapjes.
Shefi i anëtarëve të KK-së nga PDK-ja, Izet Morina, i ka numëruar rastet konkrete të largimit nga puna në fillim të këtij viti shkollor, në veçanti në Qendrën e Kompetencës.