Mesfushori francez, Paul Pogba do të largohet në verë nga Manchester United. 28-vjeçari sipas të gjitha gjasave e ka luajtur ndeshjen e fundit me anglezët. Aktualisht ai është i dëmtuar dhe e ka humbur pjesën e mbetur të sezonit.
105 milionë euro pagoi United në verën e 2016 për ta risjellë në “Old Trafford” mesfushorin, i cili katër vite më herët ishte larguar në drejtim të Juventus-it.
Tashmë pas Pogba-s janë vënë skuadra si Real Madrid-i, Barcelona, Juventus-i dhe PSG-ja.
Trajneri i ri i United, Ralf Rangnick dhe stafi i tij kanë gjetur zëvendësuesin e Pogba-s. Ai vjen nga Franca dhe është 22-vjeç.
Sipas “The Athletic”, mesfushori i Marseille-s, Boubacar Kamara, është lojtari që kërkon United.
Kamara është në sezonin e tij të fundit me francezët. Ai nuk ka pranuar të rinovojë kontratën që i skadon në verën e ardhshme. Këtë sezon ai është paraqitur në 19 ndeshje me Marseille-n.
/Albanianpost.com