Rafael Leao është më afër se kurrë që ta vazhdojë kontratën me Milan-in.
Sipas asaj që shkruan “Gazzetta dello Sport”, palët kanë rënë dakord për vazhdimin e kontratës, derisa ajo synohet të mbyllet para ndeshjes së parë gjysmëfinale në Ligën e Kampionëve, ku kuqezinjtë do të përballen me Inter-in.
Mediumi i lartcekur shkruan se Leao është pajtuar ta vazhdojë kontratën me një pagë prej 7 milionë euro plus dy të tjera në formë bonusesh, ndërsa edhe dy milionë euro në momentin e firmës së kontratës.
Ndërsa ka mbetur një “ngërç” te detyrimi që skuadra e Sporting Lisbonës e kërkon nga futbollisti, ku flitet se kuqezinjtë do ta mbulojnë gjysmën e kësaj shume.
Pra, te Milan-i duan që ta mbyllin këtë marrëveshje para ndeshjes së parë ndaj Inter-it, në mënyrë që Leao të jetë i fokusuar tërësisht te ndeshja.
Kujtojmë që portugezi ishte ndër më meritorët që “Djalli” e fitoi titullin kampion në sezonin e kaluar, duke u shpallur lojtari më i mirë në Serie A.
Mirëpo, çështja e rinovimit të kontratës që skadon në vitin e ardhshëm ishte temë aktuale në ambientet kuqezi në vitin e fundit.
Portugezi ka pasur paraqitje të mira në këtë sezon, duke kontribuar me nga 13 gola e asistime në 40 ndeshje në Ligën e Kampionëve dhe në Serie A.Albanian Post