16.8 C
Prizren
E premte, 29 Mars, 2024

MASH: Nuk do të ketë mbyllje të shkollave

Ndonëse është shtuar numri i rasteve me Covid-19 në shkolla, Ministria e Arsimit nuk parasheh mbylljen e tërësishme të institucioneve shkollore. MASH-i ka bërë të ditur se deri më tani nga 19 komuna janë raportuar gjithsej 54 mësimdhënës dhe 22 nxënës të infektuar.

Ky institucion në një përgjigje për KOHËN ka theksuar se shkollat nuk do të mbyllen, por do të organizojnë mësimin sipas udhëzuesit të përgjithshëm të Ministrisë duke respektuar 3 skenarët, mësim në shkolla, mësim i kombinuar dhe mësim online, varësisht nga situata me pandeminë.

“Aktualisht gjendja në shkolla është në rregull, shkollat po i respektojnë udhëzimet e MASH-it, MSH-së dhe IKSHPK-së. Përkatësisht, po operojnë bazuar në udhëzuesin e përgjithshëm të MASH-it për organizimin e mësimit në kushte pandemie dhe protokollin e reagimit ndaj pandemisë Covid-19”, thuhet në përgjigjen e MASH-it.

E kryeministri Avdullah Hoti nuk është përgjigjur nëse mund të mbyllen sërish shkollat në rast se përkeqësohet situata me pandeminë, por ka thënë se do të veprohet sipas protokolleve në fuqi.

“Në atë moment që paraqitet një rast ndiqen protokollet e nevojshme që i kemi zhvilluar edhe brenda bashkë me IKSHPK-në dhe me Ministrinë e Shëndetësisë duke ndjekur edhe përvojën ndërkombëtare të OBSH-së”, ka thënë ai.

Një ditë më parë Hoti ka paralajmëruar shtrëngim të masave nëse shtohen rastet me Covid, derisa ka thënë se rreziku nga një valë re e Covid-19 në Kosovë është shumë i madh. Përmes një statusi në Facebook ai ka shkruar se përqindja e nxënësve të testuar që kanë dalë pozitivë është e lartë dhe çon në rrezik të përhapjes së virusit.

“Të gjithë duhet të kemi mirëkuptim për shtrëngimin e masave në javët në vijim, që përfshijnë ndërprerje të tubimeve të mbyllura, kufizime të çdo aktiviteti ku mblidhen qytetarë, kontroll rigoroz të shkollave për përmbushje të masave për mbrojtjen nga Covid-19 dhe masa të tjera”, ka shkruar kryeministri.

Të hënën janë regjistruar disa raste pozitive në shkollat e Prishtinës. Në shkollën “Pjetër Bogdani” kanë rezultuar pozitivë 5 raste, prej tyre 3 mësimdhënës, 1 nxënës e 1 punëtor teknik. Kjo ka bërë që të mbyllet shkolla për dy javët e ardhshme.

Më Shumë

Kurti kujton 25 vjetorin e masakrave serbe në Gjakovë e Rahovec

Kryeministri i Kosovës, Albin Kurti ka kujtuar 25 vjetorin e masakrave serbe në Gjakovë e Rahovec ku nuk u kursyen as gra e fëmijë. Më...

Bashkimi i shkon Trepçës, dy rivalët e vjetër pritet të sjellin basketboll cilësor

Sot zhvillohen dy përballje interesante në Superligën e Basketbollit kosovar. Ndeshjet janë të vlefshme për javën e 27-të të PrinceCaffe Superligës. Dita nis me derbin mes...

Lajmet e Fundit