Kilyan Mbappe ka deklaruar se atij i mbetet shumë për ta arritur nivelin e Cristiano Ronaldos.
Mbappe ishte duke folur në një intervistë për të përditshmen gjermane, “BILD”, kur u pyet për Cristiano Ronaldon, transmeton lajmi.net.
Francezi nuk e ka fshehur që Ronaldo është idoli i tij.
“A jam i mirë si Ronaldo? Jo, Cristiano tashmë ka shkruar historinë, ndërsa unë luaj që vetëm pesë vite, nuk mundem të krahasohem me të”, tha ai.
“Ai ka luajtur në nivelin më të lartë që shumë kohë dhe nuk do të ishte e mirë po të llogaritej ajo, sepse ka bërë shumë”, shtoi ai.
“Ka pak futbollistë si ai, vetëm duke e shikuar kam mësuar shumë”, tha Mbappe.
“A do të shkruaj historinë edhe unë siç ka bërë ai? Sigurisht, kjo është arsyeja përse luaj futboll, dua të sjell gëzim tek tifozët në të gjithë botën dhe të fitoj të gjithë titujt gjatë këtij rrugëtimi, natyrisht”, përfundoi Kilyan Mbappe.