18.8 C
Prizren
E enjte, 20 Qershor, 2024

Mbështet Latifin, Haradinaj: Do të jem Kryeministër

haradinaj dhe LatifiDega e AAK-së në Rahovec, në përmbyllje të fushatës zgjedhore, edhe një herë bëri thirrje për mbështetje popullore për kandidatin e kësaj partie për kryetar të Komunës, Smajl Latifi dhe kandidatëve të saj për Kuvendin e Komunës.

Kryetari i AAK-së Ramush Haradinaj tha se kandidati Smajl Latifi është ndër kryetarët më të mirë që kanë komunat në Kosovë.

“Ju kryetarin e keni të mirë. Smajli ka dëshmuar se është njeriu i duhur dhe punët e tij në këtë gjysmë mandat janë evidente. Mirëpo, në mandatin e tij të plotë ai nuk do të jetë vetëm, sepse unë do të jem kryetar i Qeverisë dhe projektet do t’i realizojmë së bashku”, tha Haradinaj.

Ai tha se për Rahovecin ka katër projekte të mëdha. “Fillimisht do të nisim me rregullimin e shtratit të Drinit të Bardhë, do të rregullojmë auto-udhën Pejë-Prizren, ku do të ketë qasje edhe për Rahovecin, do të investojmë në ngritjen e kapaciteteve përpunuese në bujqësi, kurse mbështetja për bujqësinë do të shumëfishohet. Mbi këtë bazë ju them se pas marrjes së detyrës si kryetar i Qeverisë do të rritim investimet në bujqësi dhe ju them publikisht se aktualisht ndahen një për qind e buxhetit të përgjithshëm, ndërsa ky një përqindësh do të ndahet vetëm për Rahovecin në mandatin tim. E them këtë sepse këtu investimet nuk shkojnë dëm, pasi që ju jeni të njohur për punë të ndershme e të palodhshme”, tha Haradinaj duke bërë thirrje që të votohet Smajl Latifi dhe lista e kandidatëve të AAK-së në Rahovec.

Kurse, Latifi tha se kemi dëshmuar punë e përkushtim dhe jemi të gatshëm që të vazhdojmë me punët e nisura dhe të tjera që do të nisin e përfundojnë në periudhën katërvjeçare.

“Përkushtimi ynë ka qenë sistematik dhe gjithnjë kemi ndërmarrë veprime në përputhje me vullnetin dhe nevojat e qytetarëve, shtoi Latifi. Filozofia për bashkëqeverisje me qytetarin do të vazhdojë të jetë motoja jonë. Bujqësia do të jetë krye temë dhe rritja e mbështetjes për këtë sektor të ekonomisë do të vazhdojë të jetë në planet tona të punës. Mbi të gjitha ne ju premtojmë qeverisje të ndershme dhe të përkushtuar, duke ndërmarrë masa që qytetari të gëzojë shërbime më të mira dhe efikase”, tha Latifi./PrizrenPress.com/

Më Shumë

Përurohet Shërbimi i Kardiologjisë Intervente në Prizren

Në Spitalin Rajonal të Prizrenit është bërë përurimi i repartit të Shërbimit të Kardiologjisë Intervente, projekt ky i Qeverisë së Kosovës dhe i mbështetur...

Mot me diell sot, temperaturat arrijnë deri në 29 gradë Celsius

Sot në Kosovë pritet të mbajë mot me diell dhe me vranësira të shpërndara. Siç bën me dije Instituti Hidrometeorologjik i Kosovës, temperaturat maksimale do...

Sot nis Euro 2024

Lajmet e Fundit