Lidhja Demokratike e Kosovës do të vendosë sot për emrin që do ta propozojë për kryeministër.
Tashmë në selinë qendrore të kësaj partie ka filluar mbledhja e kryesisë ku do të vendoset për emrin.
Deri më tani, është bërë e ditur se të gjitha strukturat janë të pajtimit që të nominohet për kryeministër lideri i partisë, Isa Mustafa.
Në këtë mbledhje, siç raporton T7 pritet që të marrë pjesë edhe nënkryetarja e partisë, Vjosa Osmani.
Osmani është shprehur kundër koalicionit me AAK’në, Nismën, AKR’në dhe minoritetet./Express/