Futbollisti gjerman, Malick Thiaw, është shprehur i lumtur me mënyrën si e ka nisur rrugëtimin e tij me Milan-in.
Ndërsa ka folur për mediat gjermane pas debutimit me Kombëtaren A të të vendit të tij, në ndeshjen miqësore ndaj Polonisë, Thiaw falënderoi “kuqezinjtë” e Italisë për mundësinë e dhënë.
“Nuk ishte aq i vështirë fillimi i aventurës sime te Milan-i, në fakt ishte shumë i lehtë, pasi nuk e prisja të luaja menjëherë, duke kaluar nga Schalke te kampionët e Italisë.
“Megjithatë jam shumë i lumtur me rritjen time dhe tepër mirënjohës ndaj kuqezinjve që më dhanë këtë shans”, shtoi Thiaw.
Kujtojmë që 21-vjeçari pati një rritje të jashtëzakonshme në karrierë në këtë sezon, duke luajtur në 24 ndeshje në Serie A dhe në Ligën e Kampionëve.
Ai iu bashkua Milan-it në verën e fundit nga Schalke për shumën e 8.6 milionë eurove, ndërsa vlera e tij në treg tani është rreth 30 milionë euro. Albanian Post