4.8 C
Prizren
E martë, 31 Janar, 2023

Medalioni që tregon historinë e ushtarit të rënë në Rusi

Ditët e fundit në Itali ka nisur një fushatë sociale për t’i kthyer medalionin një ushtari italian të rënë gjatë luftës.

Ky i fundit, sipas të dhënave paraprake historike, ka ndërruar jetë në një kamp burgu në Rusi.

Një koleksionist italian nga zona e Alessandria-s ka postuar imazhin e medalionit në Facebook. Këtë relike lufte, ai e kishte blerë në një stallë të Polonisë.

Matteo De Giorgi filloi kërkimin në rrjetet sociale duke shkruar se ishte një koleksionist i objekteve të Luftës së Dytë Botërore.

“Kohët e fundit”, nënvizon ai, “duke folur me një kontakt që kam në Poloni, më treguan një medalion identifikues të një djali nga Parodi Ligure, i cili vdiq në robëri dhe quhej Repetto Paolo“.

Koleksionuesi i kishte propozuar kontaktit që të rikthente medalionin në shtëpi.

“Do të doja të gjurmoja trashëgimtarët dhe t’u dërgoja atyre medalionin pa asnjë kosto. Ndoshta dikush këtu e njeh familjen. Pritja do të jetë e gjatë, por mendoj se ia vlen të presësh”, thotë ai.

E përditshmja italiane “la Repubblica”, shkruan se për momentin nuk dihet pothuajse asgjë për Paolo Repetto-n.

Dihet vetëm që ai ka ndërruar jetë në moshën 24-vjeçare, në kampin e burgut Tambov 188 në Rusi.

Repetto lindi në Parodi Ligure në vitin 1919 dhe u largua si ushtar. Ai është një nga mijëra viktimat italiane që vdiqën gjatë tërheqjes nga Rusia.

Ai u nis për në Bashkimin Sovjetik, vdiq më 5 nëntor 1943, dhe është ndoshta një nga trupat e varrosur në varrin masiv të kampit 188.

/Albanianpost.com

Më Shumë

Abrashi: Escobar i ka premtuar Bërnabiqit se do ta detyrojë Kosovën ta diskutojë Asociacionin

Deputeti i Lëvizjes Vetëvendosje, Artan Abrashi, ka thënë se takimi i datës 31 janar në Ambasadën Amerikane në Prishtinë ku do të diskutohet për...

Deputetja shqiptare në Kroaci reagon ndaj presidentit kroat lidhur me Kosovën

Deputetja shqiptare në Parlamentin e Kroacisë, ka reaguar pas deklaratave jo-diplomatike të presidentit kroat Zoran Millanoviq. Deputetja Ermina Lekaj Prljaskaj në një postim në Facebook,...

Lajmet e Fundit