Vlerësimi i punës së mësimdhënësve të arsimit parauniversitar në nivel të Kosovës nuk është bërë asnjëherë që nga paslufta, shkruan sot Koha Ditore.
E pikërisht mësimdhënia cilësore apo performanca në punë kërkohet të jetë kriteri i parë mbi bazën e të cilit duhet të caktohet lartësia e pagës. Për këtë madje është hartuar edhe baza ligjore që përcakton kategorizimin e licencave të mësimdhënësve.
Por deri më tani mësimdhënësit parauniversitarë kanë kaluar vetëm kategorinë më të ulët të këtij lloji duke marrë licencën e karrierës, e cila jepet vetëm për faktin që ata janë të punësuar, përcjell koha.net. Marrjes së licencave të tjera ende nuk u janë nënshkruar mësimdhënësit parauniversitarë, ndonëse aktet ligjore që e rregullojnë këtë janë në fuqi që nga viti 2010.