Lionel Messi e ka fituar Topin e Artë për herë të shtatë.
2009, 2010, 2011, 2012, 2015, 2019 dhe 2021 janë vitet që Lionel Messi ka fituar topin e artë.
France Football sonte ka shpallur më të mirin e vitit duke ia dhënë këtë çmim futbollistit të Paris Saint-Germain, Lionel Messit.
Messi arriti që ta mposht konkurrencën e Robert Lewandowskit.
Messi u zgjodh golashënuesi më i mirë në La Liga dhe e fitoi Kupën e Mbretit me Barcelonën sezonin e kaluar.
Argjentinasi po ashtu fitoi Kupën e Amerikës me Argjentinën.