13.8 C
Prizren
E shtunë, 2 Mars, 2024

Messi thyen dy rekorde

Lionel Messi zhvilloi një ndeshje fantastike në mbrëmjen e kaluar, ku ekipi i tij e mposhti Maccabi Haifa-n me rezultat 7:2, takim ky i xhiros së pestë të grupeve në Ligën e Kampionëve.

Argjentinasi shënoi dy gola dhe dhuroi dy asistime në këtë ndeshje, derisa paraqitja e tij ishte mbresëlënëse.

Me këta dy gola dhe dy asistime, Messi regjistron një tjetër rekord dhe kalon një legjendë si Pele.

Bëhet fjalë për kombinimin mes golave dhe asistimeve, teksa 35-vjeçari shkon në shifrën e 1127 rasteve kur është përfshirë në realizimin e një goli, duke e parakaluar legjendën braziliane me 1126 sosh.

Pra, në këtë klasifikim bëhet fjalë për golat dhe asistimet të mbledhura së bashku, në ekip dhe në kombëtare.

Shtatë herë fituesi i Topit të Artë e ka nisur në mënyrën më të mirë këtë sezon te PSG. Në 16 ndeshje në të gjitha garat, argjentinasi ka shënuar 11 gola dhe 12 asistime.

Ndërkohë, në sezonin e kaluar ai ishte ndalur në 11 gola dhe 15 asistime në 34 ndeshje në të gjithë sezonin.

Përveç këtij rekordi, Messi në ndeshjen e mbrëmshme regjistroi edhe një tjetër.

Në moshën 35-vjeçare është shndërruar edhe në lojtarin më të vjetër në historinë e Ligës së Kampionëve që realizon dy gola dhe dy asistime brenda një ndeshje.

/Albanianpost.com

Më Shumë

Prizren: Sulmohet fizikisht këshilltari i Ministrisë së Jashtme

Këshilltari në Ministrinë e Punëve të Jashtme dhe Diasporës, Çerim Bajrami, është sulmuar fizikisht. Rasti ka ndodhur sot rreth orës 16:00, në Prizren. Viktima është goditur...

I arrestuar nga Serbia, ish-ushtari i UÇK’së në gjendje të rëndë shëndetësore: I kish humb 30 kg

Në javën e gjashtë të qëndrimit në një burg të Serbisë, Hasan Dakaj, pranoi vizitën e parë nga familja. Gruaja, djali 13 vjeç e vëllai...

Lajmet e Fundit