“Xscape” quhet albumi i ri i mbretit të Pop-it, Michael Jackson që pritet të publikohet me datë 13 maj të këtij viti. Në këtë projekt përfshihen tetë këngë të papublikuara më parë ndërsa si gjithmonë disku i ri do të dalë në treg nga kompania “Sony Epic”.
Këngët janë prodhuar mes Jackson në bashkëpunim me producentët e njohur Timberland, Rodney “Darkchild” Jerkins, Jerome “Jroc” Harmon, Stargate dhe John McClain, përpara se artisti i madh të shuhej në vitin 2009. Albumi “Xscape” është i shumë pritur për adhuruesit e Jackson, artisti që ka shitur më shume albume se çdo yll tjetër i muzikës kontemporane dhe ka frymëzuar shume artistë të mëdhenj në mbarë botën . Albumi i ri do të dalë në shitje në “iTunes” pak ditë përpara se “Xscape” të dalë në tregjet ndërkombëtare.