Policia e Quarto Oggiaro të Milanos ka zbuluar një dentist të rremë i cili, duke shfaqur disa tituj të dyshimtë diplomash të marra në Shqipëri, e ushtronte profesionin në një bodrum të një ndërtese të komunës në rrugën Capuana.
Agjentët, të cilit kishin ca kohë që po e mbikqyrnin ndërtesën, kishin vënë re shumë të moshuar, të cilët mbanin me dorë faqet që iu dhimbnin.
Pas dyshimeve, arritën ta demaskonin 58 vjeçarin, i cili, pasi nuk kishte çfarë të thoshte, u justifikua se e bënte thjesht për hobby dhe jo si punë.