Ministri i Kulturës, Hajrulla Çeku, ka bërë një reagim për situatën në veri pas tensioneve të krijuara atje pas daljes në punë të kryetarëve të rinj shqiptarë.
Çeku beson se tash dihen kush janë kriminelët që sipas tij, kanë emër e mbiemër.
Më tej, Çeku është marrë pak edhe me Prokurorinë. Ai ka kërkuar nga ky institucion që të merren me kriminelët në veri.
“Kriminelët në veri tash veçse dihen. Ata kanë emër e mbiemër. Institucionet e sigurisë po bëjnë punë të jashtëzakonshme në identifikimin e tyre. Tash është radha e Prokurorisë.” – ka shkruar Çeku në profilin e tij në Facebook.
Reagimi i tij vjen në kohën kur kryeministri, Albin Kurti, tregoi emrat e të dyshuarve për dhunën në veri të vendit.