Mirsad Çollaku është zgjedhur kryetar i Lidhjes Rajonale të Futbollit në Prizren.
Pas marrjes së besimit, ai falenderoi të gjithë delegatët e pranishëm për punën dhe angazhimin që bëjnë në zhvillimin e futbollit në rajonin e Prizrenit.
“Jemi më të fort dhe më të motivuar për të vazhduar me punë të mira së bashku,” tha Çollaku.
Ai premtoi se me mbështetjen e FFK-së do të vazhdojë të punojë edhe më shumë në të mirë të avancimit të futbollit në rajonin e Prizrenit.
Në Kuvendin Zgjedhor ishte i pranishëm edhe Presidenti i FFK-së, Agim Ademi.
Ai premtoi se FFK do të vazhdojë të jetë një mbështetës i madh i të gjitha Lidhjeve Rajonale të Futbollit në Kosovë me investime të mëtejshme në përmirësimin e infrastrukturës dhe krijimin e kushteve optimale për zhvillimin e futbollit.
Të pranishmit i përshëndeti edhe Drejtori i DKRS-së në Prizren, Adem Morina, me një fjalë rasti, duke i dëshiruar Kuvendit punime të mbarë dhe organeve të reja të LRF-së suksese të vazhdueshme.
Në Kuvend është zgjedhur edhe Bordi i ri i LRF-së me anëtarë të rinj të propozuar nga vetë klubet dhe shkollat e futbollit, me këtë përbërje: Sami Buqaj, Bekim Bakaj, Denis Isaja, Festim Avdyli, Zymer Telaku dhe Drilon Berisha./PP/
Marketing
