Një mjet shpërthyer ishte vendosur nën makinën e një oficeri policie që do ta përcillte presidentin turk Rexhep Tajip Erdogan.
Sipas medieve turke, përcjell Telegrafi, presidenti Erdogan ishte duke zhvilluar një takim në qytetin Siirt derisa lënda shpërthyese e vendosur nën makinën e një oficeri policie është vënë re në momentin e fundit.
Sidoqoftë, mjeti shpërthyes është shkatërruar nga ekipet e asgjësimit të bombave dhe policia ka filluar hetimin për kapjen e të dyshuarve.
Menjëherë pas incidentit u konstatua se oficerit të policisë të cilit iu vendos eksplozivi nën automjet, ishte përfshirë në ekipin që do të dërgonte përforcime për tubimin e Erdoganit në Siirt.
Nënkryetari i AK Partisë Hamza Da? bëri deklarata të rëndësishme në CNN Türk në lidhje me kurthin me bombë që do të bëhej për mitingun e Presidentit Erdogan në Siirt. “Ata donin të sabotonin mitingun e Siirtit. Ka nga ata që përpiqen të shkatërrojnë mjedisin paqësor”, tha Da?.