Jose Mourinho nuk beson se Paul Pogba dëshiron të largohet nga Manchester United sepse mesfushori kurrë nuk ka kërkuar për transferim.
Barcelona interesohej për 25-vjeçarin gjatë verës, ndërsa tani raportohet se ai dëshiron të largohet nga Unitedi në afatin kalimtar të janarit për shkak të raportove e aspak të mira me trajnerin.
Sido që të jetë, Mourinho nuk beson se Pogba po mendon për largimin.
“Paul erdhi nga Kupa e Botës një javë para startit të Premierligës”, tha Mourinho. “Jemi së bashku pothuajse që dy muaj. Ai kurrë nuk më ka thënë se dëshiron të largohet. Kurrë. Kurrë nuk më ka thënë se dëshiron të largohet”.