Jose Mourinho pret që të kthejë Tottenhamin në një skuadër që fiton trofe para se kontrata e tij me klubin të përfundojë.
Portugezi iu bashkua skuadrës së Premierligës në nëntor, duke nënshkruar kontratë tri vjeçare, ku zëvendësojë Mauricio Pochettinon, pas një fillimi të vështirë të sezonit.
Finalistët e sezonit të kaluar të Ligës së Kampionëve nuk kanë fituar ndonjë kupë që nga viti 2008, kur fituan kupën e ligës, dhe ky sezon po ashtu do të përfundojë pa asnjë.
“Sa kohë iu desh Jurgenit te Liverpoool?”, tha Mourinho para gazetarëve, kur foli për sukseset e gjermanit, përcjell lajmi.net.
“Katër vjet, katër sezone. Bleu një prej portierëve më të mirë në botë, bleu një prej mbrojtësve të qendrës më të mirë në botë e kështu më radhë”.
“Unë jam i përqëndruar në kontratën time tre vjeçare. Unë besoj se në kontratën time tri vjeçare ne mund të fitojmë trofe”.