Federata Gjermane e Futbollit (DFB) njoftoi të premten e 3 dhjetorit se Horst Eckel, heroi i fundit dhe kampioni i botës në vitin 1954, ndërroi jetë në moshën 89-vjeçare.
Eckel ishte një nga protagonistët kryesorë të ekipit të futbollit të Gjermanisë Perëndimore që fitoi Kupën e Botës të vitit 1954 që mbiquhet “Mrekullia e Bernës”.
Skuadra gjermanë mposhti superfavoritët hungarezë me rezultat 3-2 në finale duke përmbysur disavantazhin e dy golave.
Kjo fitore pasoi një jehonë politike dhe ekonomike të Gjermanisë Perëndimore – nëntë vjet pas përfundimit të Luftës së Dytë Botërore.
“Në vërshëllimën e fundit, ne e kuptuam se ishim kampionë bote.
Por ne nuk e kuptonim se çfarë do të thoshte kjo për njerëzit që na shihnin në shtëpi derisa hymë përsëri në tokën gjermane. Ishte një pritje e mrekullueshme”, kujtonte në reflektimet e tij Eckel.
Megjithatë, përmendja si një nga “heronjtë e Bernës” e kishte shqetësuar gjithmonë.
“Kam mbetur një person krejtësisht normal”, tregonte kampioni i botës.
Aftësitë futbollistike
Anësori i djathtë i Kaiserslautern ishte anëtari më i ri i skuadrës me kapiten Fritz Walter.
I mbiquajtur “zagari”, ai u bë një shtyllë e rëndësishme e ekipit të trajnerit Sepp Herberger gjatë turneut.
Kjo, falë shkallës së tij të lartë të punës në mbrojtje dhe saktësisë në pasime.
Eckel mbeti hera-herës në hije nga emrat më të mëdhenj të skuadrës së ’54-ës.
Megjithatë, pas vdekjes së Hans Schäfer-it në vitin 2017, ai mbeti i vetmi pjesëtar i ekipit.
Eckel ishte dy herë kampion gjerman, në 1951 dhe 1953, me Kaiserslautern.
Ai ndërroi klub vetëm një herë – Röchling Völklingen në Saarland gjatë vitit 1960.
I trajnuar si veglabërës, ai studioi art dhe sport pas kohës së tij si lojtar dhe punoi si mësues i shkollës së mesme nga viti ’73.
/Albanianpost.com