Kandidati i AAK-së për kryetar të Suharekës, Bali Muharremaj, beson se në balotazh do të sigurojë fitoren.“Unë jam i sigurt se ne do te jemi fitues ne keto zgjedhje. Puna, aktiviteti dhe të arriturat tona na bejnë të besojmë fuqishëm se ne do të udhëheqim Suharekën edhe në mandatin e ardhshëm”, shkruan Muharremaj në Facebook.
Kandidati i AAK-së për Suharekën, Bali Muharremaj në zgjedhjet e 3 nëntorit ka mbetur në balotazh me kandidatin e LDK-së, Sali Asllanaj. Muharremaj kërkon nga strukturat e AAK-së që të vazhdojnë aktivitetet për të fituar Suharekën.
“Kërkoj nga ju që të vazhdojmë punën tonë të përbashkët. Të vazhdojmë aktivitetet tona dhe të tregojmë se dijmë, duam dhe do të qeverisim me Komunën e Suharekës”.
Ai ka falënderuar të gjithë votuesit dhe mbështetësit e AAK-së.
“Dua të shpreh falënderimin tim të gjithë votuesve të programit tim,por edhe atyre që kanë menduar ndryshe dhe kanë votuar për kandidatët e tjerë”./PrizrenPress.com/
Linku i rezultateve për Suharekë
http://82.114.76.26/NightResults/Results.aspx?RaceID=1&UnitID=25&IsPS=0&Turnout=0&LangID=2