Në QKUK dhe në spitalet rajonale të mjeksisë vazhdon avazi i vjetër i mungesës së barnave dhe materialeve hargjuese esenciale.
Për këtë ankohen edhe pacientët e QKUK-së të cilët thonë se në spitale nuk ka materiale hargjuese duke filluar që nga fashat, gjilpërat, e deri te barnat esenciale të cilat duhet ti ketë çdo spital.
Ata poashtu tregojnë se të gjitha këto janë të detyruar të blejnë vetë edhe përkundër kushteve të rënda ekonomike.
Por kështu nuk mendon ministri i Shëndetësisë Ferid Agani i cili thotë se furnizimi me barna dhe materiale hargjuese është përmirësuar dukshëm.
“Furnizimi me barna është përmirësu dukshëm në QKUK, mungojnë barna e materiale hargjuese që janë shumë të lira ndërsa ekzistojnë barna shumë të shtrejta”, tha ai pë KTV-në.
Por ai thotë se ky problem do të përmirësohet me miratimin e Projektligjin e Sigurimeve Shëndetësore.
“Parashihet që të gjithë qytetarët e Kosovës të jenë të mbuluar me sigurimin e obligueshëm shëndetësor”, tha Agani.
Në bazë të këtij ligji për Sigurime Shëndetësore deri në shtator të vitit të ardhshëm Ministria e Shëndetësië e ka për obligim të 75% e qytetarëve të vendit t’i pajis me kartela shëndetësore.