Lideri i Lidhjes Demokratike të Kosovës, Isa Mustafa, ka thënë se ngërçi politik duhet të zgjidhet në kuvend, me votë të deputetëve.
Në një intervistë për Epokën e Re, ai ka
vlerësuar se Qeveria gjithëpërfshirëse nuk e ka asnjë kuptim, as demokratik, as racional.
Ai ka thënë se koalicioni LDK-AAK-Nisma është i vendosur për ta çuar projektin deri në fund, duke përjashtuar çdo mundësi të një koalicioni me PDK’në.
“Jemi të gatshëm të shkojmë në zgjedhje të reja, por nuk jemi të gatshëm të lëshojmë pe nga projekti ynë”, është shprehur Mustafa, duke shtuar se vullneti i popullit nuk mund të përkufizohet me 30 për qindëshin e votave, por me shumicën.
Ai ka bërë me dije se e kanë përkrahjen e pakicave dhe presin prapë votat e tyre në Kuvend dhe për qeveri.