10.8 C
Prizren
E enjte, 6 Tetor, 2022

Mustafa takon Pacollin: Zgjedhjet duhet të mbahen në pjesën e parë të këtij viti

pacolli mustafaIsa Mustafa ka thënë se zgjedhjet nacionale duhet të mbahen më së largu në qershor. Këtë qëndrim, Mustafa ia ka bërë të ditur edhe Behgjet Pacollit. Për këtë temë para disa ditësh, Mustafa ka takuar ndaras edhe Thaçin e Haradinajn.
Lideri i LDK’së, Isa Mustafa është takuar sot me Presidentin e AKR’së, Begjet Pacollin me të cilin kanë folur për datën e zgjedhjeve nacionale.

Sipas një njoftimi të LDK’së, Isa Mustafa ka thënë se zgjedhjet e përgjithshme duhet të mbahen në pjesën e parë të këtij viti.

“Kryetari Mustafa ka përsëritur se është e domosdoshme që të ketë pajtueshmëri të plotë të subjekteve politike për ta përcaktuar dinamikën e punëve, si dhe për caktimin e datës së mbajtjes Zgjedhjeve të përgjithshme, të cilat duhet të mbahen brenda pjesës e parë të këtij viti”, thuhet në njoftimin e LDK’së.

Në njoftim, thuhet se Mustafa dhe Pacolli kanë biseduar dhe janë pajtuar për finalizimin e reformës zgjedhore.

“Po ashtu, ata kanë biseduar edhe për dinamikën e veprimve të tjera, me qëllim që të gjitha subjektet politike, së bashku me inmstitucionet, të angazhohen për të përgatitur zgjedhje të rregullta dhe demokratike”.
LDK ka njoftuar se në ditët në vazhdim Isa Mustafa do të takohet edhe me udhëheqësit e tjerë të partive politike për të folur për reformën zgjedhore dhe datën e zgjedhjeve nacionale.

Më Shumë

Murati: Borxhi nuk po rritet, kemi shlyer shumë boxhe

Komisioni për Buxhet, Punë dhe Transfere, po mban mbledhje në të cilën po shqyrton Projektligjin për ratifikimin e Marrëveshjes së Financimit ndërmjet Kosovës dhe...

Grevistëve nuk u dalin pagat e muajit shtator

Punëtorëve të sektorit publik të cilët janë në grevë tash e një muaj, nuk u janë ekzekutuar ende pagat e shtator. Qeveria e Kosovës në...

Lajmet e Fundit