14.8 C
Prizren
E hënë, 26 Shtator, 2022

Muzika tallava në bufe rikthen përçarjet në “Agimi”, kërkohet reagim i Ministrisë

Muzika tallava në bufe rikthen përçarjet në “Agimi”, kërkohet reagim i Ministrisë

Pakënaqësitë ndërmjet dy grupeve të ndara të Shoqërisë Kulturore Artistike “Agimi” në Prizren janë vënë në pah edhe një herë, të dielën, kur kryesia e njërit tabor ka akuzuar palën tjetër për veprime degraduese brenda ndërtesës së kësaj organizate që tashmë gëzon edhe mbrojtje ligjore.

Madje kryesia 7-anëtarëshe i ka bërë thirrje edhe Ministrisë së Kulturës, Rinisë e Sportit që të ndërmarrë veprime institucionale për të adresuar këto shqetësime, shkruan sot “Koha Ditore”.

Veç tjerash është thënë se hapësira e shoqërisë është shndërruar në kafene burrash, ku kultivohet muzika tallava. Por grupi tjetër që udhëhiqet tani nga ushtruesi i detyrës së kryetarit të SHKA “Agimi”, Festim Bytyçi, i ka mohuar akuzat e bëra nga tabori që udhëhiqet nga kryesia 7-anëtarëshe, duke theksuar se nuk ka veprime degraduese brenda “Agimit”.

E zyrtarët e Ministrisë së Kulturës, Rinisë e Sportit janë deklaruar se do ta shqyrtojnë kërkesën që i është adresuar kreut të këtij institucioni…

Po sjellim njoftimin e plotë të ShKA Agimi:

Gjatë muajit nëntor 2017, ministri i kulturës nënshkroi vendimin për përfshirjen e ndërtesës së ShKA Agimit në Listën e Trashëgimisë Kulturore. Ky ishte edhe një veprim konkret i yni në përpjekje për të shpëtuar ShKA Agimin. Megjithatë, veprimet degraduese të një grupi të vogël individësh të papërgjegjshëm nuk kanë të ndalur. Ky grup që ka zaptuar ndërtesën e ShKA Agimit dhe ka përjashtuar qindra anëtarë pa përfillur asnjë procedurë, ka vazhduar me veprime klandestine dhe degraduese ndaj Agimit. Të vetëshpallur “Kryesi e Agimi”, këta individë kanë vazhduar të marrin vendime në kundërshtim me të gjitha procedurat e brendshme të Shoqnisë dhe ligjet e Kosovës që rregullojnë sektorin e shoqërisë civile. Në veprimin e radhës absurd dhe joligjor, në mesin e tyre kanë shpallur një tjetër person “Kryetar” të ShKA Agimit. Ky veprim është veçse vazhdim i avazit të vjetër, ku një Kryesi fiktive, e dalë nga një Kuvend klandestin dhe jolegjitim vazhdon të luaj zgjedhjesh dhe të kontribuojë edhe më shumë në degradimin e Shoqnisë.

Në anën tjetër, shumë dashamirë të ShKA Agimit dhe qytetarë të Prizrenit kanë publikuar dëshmi të degradimit kulturor që po ndodh brenda ndërtesës së Agimit. Ky grup i vogël individësh të papërgjegjshëm dhe zaptues, pas tentativës së vitit të kaluar për të tjetërsuar pronën e Agimit përmes një marrëveshje joligjore, tani kanë shndërruar hapësirën e Shoqnisë në kafene burrash ku kultivohet tallavaja. Në video dhe fotografi të publikuara ditëve të fundit shihen pamje dhe dëgjohen tinguj që asnjëherë nuk kanë qenë pjesë e ShKA Agimit përgjatë historisë së saj 73 vjeçare. Dëshmitë e këtij degradimi kulturor (videot dhe fotot) mund t’i shikoni në këto:

Ne kërkojmë nga Ministri i Kulturës, që në pajtim me autorizimet e tij ligjore dhe në përputhje me vendimin për të shpallur ndërtesën e Agimit aset të trashëgimisë kulturore në mbrojtje të shtetit, të ndërmarrë veprime institucionale për të adresuar këto shqetësime. Shpallja e një ndërtese aset i trashëgimisë kulturore nënkupton një numër detyrimesh dhe kufizimesh, gjithnjë për t’u siguruar që vlerat për të cilat është bërë shpallja do të mbrohen. Në rastin e ndërtesës së ShKA Agimit, ku janë publikuar dëshmi të qarta të degradimit, janë duke u cenuar vlerat më fondamentale të trashëgimisë kulturore. Prandaj, reagimi urgjent institucional është një domosdoshmëri për të ndërprerë këtë praktikë degraduese dhe për të iniciuar një plan të mirëfilltë menaxhimi për ndërtesën, në përputhje me parimet dhe kriteret për mbrojtjen e trashëgimisë kulturore.

Përpjekja jonë për të shpëtuar ShKA Agimin nuk do të ndalet. Jemi të përkushtuar në angazhimin tonë të përbashkët dhe nuk do të ndalemi derisa zaptuesit të largohen nga ShKA Agimi dhe ndërtesa e saj.

Me respekt,
Kryesia e ShKA Agimit (Besim Berisha, Agnesa Çipa Laçi, Arben Mashkulli, Flaka Xërxa, Fikrim Emra, Arbëreshë Berisha dhe Luljeta Braha)./

Më Shumë

Nusja që mori 58 mijë euro për martesë tregon se çfarë i punojnë axhallarët

U bë virale martesa e vajzës së dëshmorit Besim Tiku, Ilirjana, pasi në ditën më të lumtur të jetës së saj, mori dhuratë nga...

Që nga sot, mot më i ftohtë

Javë më e ftohtë, kohë pas kohe me reshje lokale shiu. Nga dita e martë do të mbajë mot më i ftohtë, me vranësira e...

Lajmet e Fundit