23.8 C
Prizren
E martë, 16 Gusht, 2022

Myrvete Çollaku dhe Naim Kukaj dëshmitarë të parë të rastit “Muja”

Ramadan Muja

(E plotësuar) Myrvete Çollaku dhe Naim Kukaj janë dy deshmitarët e parë që do të dëshmojnë në procesin gjyqësor ndaj Mujës dhe drejtorëve të tij.

Prokurorja Natasha Vikeri ka kërkuar që dëshmitarët e hequr nga lista t’iu mundësohet dëshmia, pasi ata janë të rëndësishëm për Prokurorin.

Ajo kërkoi që se paku edhe pesë dëshmitarëve t’iu mundësohet dëshmia.

Gjyqtari Vladimir Nikula, ndërkaq tha se gjatë procesit do të shikojë se sa dëshmitar ka nevojë të dëshmojnë në këtë proces.

Dëshmitarja Myrvete Çollaku është marrë në pyetje rreth blerjes së një parcele të tokës, pronë e Komunës së Prizrenit. Ajo ka thënë se toka është blerë pas plotësimit të dokumentacionit.

“Parcela në fjalë është pasuri e imja dhe për këtë kam kontratë. Tokën e kam përdorë për lokale me qira”, tha Çollaku. Ajo tha se nuk ka qenë në dijeni se toka të cilën e ka blerë ka qenë në kontest. “Nuk kam qenë e informuar për kontestin. Këtë e kam kuptuar vonë”, ka thënë ajo. Dëshmitarja Çollaku tregoi se për këtë çështje ka ngritur padi kundër Komunës së Prizrenit. Ajo ka fajësuar avokatin e Komunës së Prizrenit, i cili nuk e ka mbrojtur pronën publike për të cilën është paguar nga taksat e qytetarëve. “Bartjen e kam bërë në mënyrë të rregullt “, tha ajo.

Dëshmitari tjetër, Naim Kukaj, ndërkaq në këtë gjykim ka dëshmuar rreth dhënies në shfrytëzim të tokës, shkollës ‘’Mehmet Akif‘’, fabrikës ‘’Kamila’’ dhe ndalimin e ekspertëve të Gjeodezisë dhe Kadastrës në seancat gjyqësore të Gjykatës. Ai tregoi se ka qenë prezent në diskutimet që janë bërë për dhënien në shfrytëzim të tokës shkollës në fjalë.

Dëshmitari Kukaj ka thënë se ka pranuar dokumentet të cilat kanë dalë nga mbledhja e drejtorëve për dhënien në shfrytëzim të tokës në fjalë.

Kukaj po ashtu ka pranuar se ka ekzistuar një vendim për ndalimin e ekspertëve të Gjeodezisë dhe Kadastrës. Ndryshe nga dëshmia e dhënë gjatë hetimeve në Prokurori, Kukaj ka thënë se nuk ka marrë urdhra nga kryetari Ramadan Muja për të hartuar konkluzionet rreth këtyre çështjeve.

Ndërkaq, gjyqtari në fund ka vendosur që seanca e radhës ndaj Mujës dhe të tjerëve të mbahet më 12 shtator.

………………….

Gjykimi Mujës, sot dëgjohen dëshmitarët

Seanca gjyqësore ndaj kryetarit të Prizrenit, Ramadan Mujës dhe pesë drejtorëve të tij, do të vazhdojë sot me dëgjimin e dëshmitarëve. Ruzhdi Berisha, avokat mbrojtës i Mujës tha se në këtë seancë do të dëgjohen dëshmitarët e Prokurorisë, numri i të cilëve është gjithësej 30. Seanca gjyqësore edhe sot fillon në ora 10.

Në seancën e djeshme Prokuroria ka prezantuar disa dokumente si prova kundër Mujës dhe të tjerëve, e në bazë të cilave ajo pretendon se zyrtarët komunalë kanë tejkaluar kompetencat e tyre. Avokati Berisha tha se bëhet fjalë për disa dokumente të marra nga organet komunale. “Janë dokumente të cilat janë marrë nga organet komunale që janë përpiluar gjatë kohës së rregullimit të çështjes, ose të transferit të pasurisë ose lidhjes së kontratave të njërës apo tjetrës kompani me organet e komunës”, ka thënë tha Berisha.

Kryetarit të Prizrenit, Ramadan Muja, i rëndon një aktakuzë 21 faqesh, me të cilën ai dhe Sadik Paçarizi – drejtor i Urbanizmit dhe Planifikimit Hapësinor, Avni Ademaj – ish-u.d. së drejtorit të Gjeodezisë dhe Kadastrës, Kadri Ukimeri – ish-drejtor i Gjeodezisë dhe Kadastrës, Abdullah Tejeci – drejtor aktual i Gjeodezisë dhe Kadastrës dhe Minir Krasniqi – drejtor i Administratës, akuzohen për shpërdorim të pozitës zyrtare në dhënien e disa pronave shoqërore në shfrytëzim për disa kompani, me qëllim të përfitimit personal.Gjyqtari i procedurës paraprake, Vladimir Nikula, kohë më parë ka aprovuar kërkesën e Prokurores që po udhëheq ndjekjen penale, Natasha Vikeri për konfiskimin e dokumenteve të udhëtimit të të pandehurve./PrizrenPress.com/

Më Shumë

Edhe sot, reshje dhe vranësira në Kosovë

Instituti Hidrometeorologjik njofton se do të mbajë mot i ndryshueshëm, me vranësira dhe reshje shiu. Temperaturat minimale do të lëvizin ndërmjet 10-15 gradë celsius, ndërsa...

Hajnat vjedhin rreth 28 mijë euro para dhe ari në shtëpitë e tre vëllezërve në Krushë të Vogël

Shtëpitë e tre vëllezërve  kanë qenë cak i hajnave në fshatin Krushë e Vogël të Prizrenit. Ata  brenda pak minutave kanë vjedhur një shumë të...

Lajmet e Fundit