NATO, më shumë se asnjëherë ka pranuar kërcënimin ekzistencial që vjen nga Rusia. Duke folur gjatë stërvitjeve të përbashkëta të NATO-s në Poloninë lindore, pjesë e së cilës është edhe Shqipëria, komandanti i lartë i Aleancës së Atlantikut të Veriut, gjeneral-major Hans van Griensven paralajmëroi për një kërcënim shumë real.
Ai pohoi se Moska ka “destabilizuar rajonin” dhe paralajmëroi për mundësinë e një përshkallëzimi të tensioneve përgjatë kufirit lindor të Evropës. Këtë e ka pranuar edhe vetë kryeministrja e Polonisë, Beata Szyd?o, e cila në një intervistë për “The Indipendent” ka bërë me dije se vendi ndjen presionin që i vjen përtej kufijve, pikërisht nga Rusia, e cila, sipas saj, po shtyn disa pjesë të Europës Lindore në prag të luftës.
Ndersa zv/shefi i shtabit të NATO-s deklaroi se Rusia është një kërcënim i ri, i cili do të ndikojë jo vetëm ushtarakisht, por ekonomikisht edhe diplomatikisht. Megjithatë, sipas analistëve, Rusia mund të jetë shumë herë më e gatshme për konflikt, por është NATO ajo që ka më shumë fuqi luftarake, më shumë para’ dhe më shumë forca.
Sipas tyre, fuqia është në favor të NATO-s. Aktualisht, Aleanca e Atlantikut të Veriut po kryen një stërvitje me 36 000 forca që vijnë nga 30 Kombet Aleate dhe Partnere. /Top Channel/