Sot në moshën 86 vjeçare ndërroi jetë doajenia e Teatrit Kombëtar të Prishtinës, Naxhije Deva.
Naxhije Deva lindi në Mitrovicë me 1927, në një familje intelektualesh, u shkollua në Tiranë dhe me aktrim e regji filloi të angazhohet si shumë e re, së pari në Teatrin amator në Mitrovicë, si iniciatore e formimit të këtij teatri e pastaj edhe në Teatrin Kombëtar. Ishte regjisorja e parë shqiptare, kreu një kurs një vjeçar për regji gjate viteve të pesëdhjeta si dhe magjistroi në shkencat filologjike në Prishtinë. Deva luajti në dhjetëra role kryesore e dytësore në dramën shqipe të Teatrit Kombëtar dhe së bashku me aktoret e para la gjurmë të pashlyer në krijimtarinë teatrore në këtë trevë. Ishte me vite përzgjedhëse dhe lektore e dramave në teatër dhe për angazhimin saj të shumë anshëm u shpërblye me mirënjohje e falënderime.
Në holin e Teatrit Kombëtar të enjten, në orën 11.00 hapet libri i zisë si dhe mbahet një tubim komemorativ, tranzmeton Koha. Varrimi i aktores bëhet nesër në varrezat e Prishtinës, në orën 13.00.