Një burrë i komunitetit rom ka ndërruar jetë dje në QKUK, pas plagëve të marra në aksident trafiku më 1 dhjetor, bën të ditur Policia e Kosovës përmes një komunikate për media.
Viktima raportohet se është nga fshati Fortesë i Rahovecit, transmeton Koha.net.
“Në lidhje me rastin raportohet se viktima, burrë i komunitetit rom, i cili ka qenë duke u trajtuar në QKUK, më 26.12.2017 ka ndërruar jetë. Me vendim të prokurorit trupi i pajetë i viktimës është dërguar në Institutin e Mjekësisë Ligjore për obduksion”, thotë PK.