0.8 C
Prizren
E premte, 3 Shkurt, 2023

Ndriçohet Kalaja e Prizrenit

Kalaja e Prizrenit-ndriqohetDrejtoria e Turizmit dhe Zhvillimit Ekonomik ka përuruar projektin “Ndriçimi dekorativ i Kalasë” në Prizren. Drejtori i Turizmit dhe Zhvillimit Ekonomik, Samir Hoxha, tha se ky projekt është edhe një dëshmi e përkushtimit të qeverisë lokale të Prizrenit për mbrojtjen e vlerave kulturore dhe historike të Prizrenit dhe promovimit të tyre për të kultivuar turizmin kulturor në Prizren.

“Projekti për Ndriçimin Dekorativ të Kalasë, është punuar nga një ekip profesionistëve dhe është produkt i një bashkëpunimi të ngushtë të Drejtorisë së Turizmit me institucionet qendrore në këtë rast më Ministrin e Kulturës dhe institucionet tjera të trashëgimisë kulturore”, tha Hoxha.

Sipas tij, të gjitha materialet elektrike të përdoruara në realizimin e këtij projekti janë të prodhuara sipas standardeve evropiane si dhe punimet e realizuara janë në pajtueshmëri me standardet aktuale të ndërtimit.

“Perimetri i ndriçimit me reflektor të teknologjisë së fundit “LED” përfshin rreth 280m të murit të Kalasë”, tregoi Hoxha.

Ai tha se me anë të realizmit të këtij projekti, dhe me punët të cilat po bëhen nga institucionet qendrore në procesin e gërmimit, dokumentimit dhe restaurimit, Kalaja e Prizrenit pa dyshim mund të krahasohet me kalatë jo vetëm të regjionit si janë; Kalaja e Shkodrës apo a jo e Shkupit, por edhe objektet e trashëgimisë kulturore të cilat gjenden ne vendet evropiane.

“Qyteti i Prizrenit është i njohur që nga antikiteti, si një vend unik në Ballkan për trashëgimin kulturore, të civilizimeve. Ky projekt synon rritjen e atraktivitetit turistik të Prizrenit përmes prezantimit të strukturuar të ofertës kulturore”, u shpreh ai.

Ai premtoi se në vitet e ardhshme do vazhdohet me realizimin e projekteve tjera të cilat do kenë për qëllim nxitjen e zhvillimit të turizmit të Komunës. Projekti “Ndriçimi dekorativ i Kalasë”, është realizuar nga Komuna e Prizrenit. /PrizrenPress.com/

Më Shumë

Kaka tregon për ngjashmërinë mes Ronaldo-s, Ibrahimovic-it dhe Maldini-it

Legjenda e Milan-it, Ricardo Kaka, ka folur rreth situatës së Cristiano Ronaldo-s, derisa portugezin e krahasoi me Zlatan Ibrahimovic-in dhe Paolo Maldini-n. Gjatë intervistës së...

Hovenier: Vazhdojmë të avokojmë për zbatimin e gjitha zotimeve të dialogut

Ambasadori amerikan në Kosovë, Jeffrey Hovenier, pas diskutimeve në Ambasadë për çështjen e Asociacionit, ka përsëritur thirrjen që të gjitha zbatohet të gjitha marrëveshjet...

Lajmet e Fundit