Në një përleshje në Suharekë mes disa personave të dielën është përdorur edhe arma, ndërsa raportohet se kanë marrë lëndime dy persona, të cilët kanë marrë tretman mjekësor.
Policia e Kosovës ka njoftuar se në vendin e ngjarjes është konfiskuar një revole SIX SAVER e kalibrit 9mm dhe se nuk dihet se kush e ka përdorur armën dhe cili është pronari i armës.
“Njësitetet policore me urdhër të prokurorit kanë bastisur në dy lokacione në shtëpitë e të dyshuarve. Në njërën shtëpi është gjetur një shufër metali e cila dyshohet se është përdorur gjatë përleshjes në vendin e ngjarjes dhe është sekuestruar. Lidhur me rastin janë arrestuar shtatë të dyshuar kosovarë. Me vendim të prokurorit të dyshuarve i është caktuar masa e ndalimit policor prej 48 orëve”, thuhet në raportin e Policisë së Kosovës.