Jostabiliteti institucional si pasojë e koalicioneve të paqëndrueshme vazhdon ta shoqërojë shtetin e Kosovës.
Marrëveshje për ndarjen e kulaçit të pushtetit e jo për programin qeverisës, kanë qenë të gjitha koalicionet e paspavarësisë, ku asnjëra prej tyre nuk ka arritur ta çojë deri në fund një mandat të plotë, shkruan sot “Koha Ditore”.
Divorcet mes tyre janë shoqëruar me akuza për tradhti e me zotime se do të vendosin vija të kuqe, por të cilat më vonë janë shlyer.
Pas dorëheqjes së kryeministrit Haradinaj, javën e shkuar, njëzëri të gjitha partitë, përfshirë PDK-në, kanë proklamuar mobilizimin e shtabeve zgjedhore.
Por njohës të rrethanave nuk e përjashtojnë mundësinë e emërimit të një mandatari tjetër edhe për shkak të presionit të ndërkombëtarëve, të cilët insistojnë në arritjen e marrëveshjes përfundimtare me Serbinë.