Në Komunën e Prizrenit dje janë paraqitur edhe 18 raste të reja me coronavirus.
Kryetari Mytaher Haskuka thotë për RTV Dukagjinin se rastet e reja lidhen me një kompani private.
“Momentalisht në Prizren janë 73 raste aktive me coronavirus”, tha ai, përcjell Telegrafi.
Haskuka thotë se për shkak se nuk ekzistojnë masat kufizuese numri i të infektuarve kanë mbiemra të ndryshëm për dallim nga më parë që vinin nga të njëjtat familje.
“Tanimë është shumë vështirë të gjurmohen kontaktet”.
Kryetari i Prizrenit thotë se tashmë shëndeti i qytetarëve është vetëm në dorën e tyre.
“Dua të apelojë te qytetarët të kenë kujdes pasi numri i qytetarëve të infektuar duket se është shumë më i madh. Le të lënë anash konspiracionet pasi ata vet mund ta përballojnë sëmundjen por jo familjarët e tyre”, tha ndër të tjera Mytaher Haskuka.