16 C
Prizren
E enjte, 3 Korrik, 2025

Në Prizren vihet guri themeltar për shtatoren e Skënderbeut

Autoritetet komunale të Prizrenit bashkë me përfaqësuesit e institucioneve, të organizatave dhe veprimtarë të ndryshëm të enjten kanë vendosur gurin themeltar për ndërtimin e shtatores së Skënderbeut, në rrethin afër Stacionit të Autobusëve në Prizren.

Në të njëjtën kohë, kanë paralajmëruar se në këtë lokacion në muajin mars të vitit të ardhshëm do të vendoset shtatorja dhe se do të nisë procedura që ky shesh të marrë emrin e heroit kombëtar Gjergj Kastrioti-Skënderbeu, shkruan sot “Koha Ditore”.

Kryetari i Komunës së Prizrenit, Mytaher Haskuka, para gazetarëve ka deklaruar se “më 28 nëntor në mënyrë simbolike vendosëm gurin themeltar të shtatores së Skënderbeut, së bashku me organizatën ‘Trojet e Arbrit’, që bashkë me artistët do ta realizojnë këtë shtatore”.

“Jemi dakorduar që këtu të bëhet sheshi Skënderbeu, pasi Prizreni ka nevojë për një shesh tjetër. Në mars të vitit 2020 do ta kemi shtatoren gati dhe do ta vendosim këtu”, ka thënë Haskuka.

Ndërsa kryetari i shoqatës “Trojet e Arbrit”, Nue Oroshi, ka theksuar se Gjergj Kastrioti po kthehet në Prizren dhe ka falënderuar autoritetet lokale që kanë marrë një vendim të tillë.

Më Shumë

Vazhdojnë besnikërinë te Liria: Elshani dhe Susuri qëndrojnë në Prizren

Dy nga lojtarët më të rëndësishëm të Lirisë së Prizrenit, Egzon Elshani dhe Xhevat Susuri, kanë rinovuar kontratat dhe do të jenë pjesë e...

Queven Inacio largohet nga Ballkani

Ballkani ka konfirmuar se futbollisti Queven Inacio është larguar nga skuadra, derisa e ka falënderuar për kontributin dhe i ka uruar suksese në vazhdim...

Lajmet e Fundit