Ardian Gola, këshilltar i ushtruesit të detyrës së Universitetit të Prishtinës, Anton Berishaj, tha për Telegrafin se gjasat janë të mëdha që studentëve të UP-së t’ju mundësohet hyrja në provime edhe në afatin e prillit , që është afat jo i rregullt.
Sipas tij, një pjesë e dekanëve kanë kërkuar këtë nga u.d. së rektorit.
“Por, në mesin e dekanëve ka patur të tillë që kanë kundërshtuar që të realizohet kjo kërkesë e studentëve. Pavarësisht të gjithave, Senati i Universitetit është instanca e fundit e cila vendos se a do të ketë ose jo afat të prillit. Por, ne presim që studentëve do t’ju krijohet kjo mundësi”, ka thënë Gola për Telegrafin.
Ndryshe, studentët e UP-së vazhdimisht kanë kërkuar që afati i prillit për paraqitjen e provimeve të mos anulohet nga agjenda e Universitetit sepse, sipas tyre, ata kanë nevojë për më shumë mundësi gjatë studimeve.