1.8 C
Prizren
E martë, 31 Janar, 2023

Në vend të festës me zemër, feston me armë, policia arreston një person në Gjonaj që rrezikoi dasmorët

Policia në Prizren ka arrestuar një person, i cili në një aheng familjar ka gjuajtur me armë zjarri.

Në njoftimin e policisë bëhet e ditur se rasti ka ndodhur në fshatin GjonajA të Prizrenit.

“Policia në Prizren pranoi një informacion se në fshatin Gjonaj, dëgjohen krisma nga arma e zjarrit. Njësitë policore reaguan menjëherë dhe e kuptuan se në një aheng familjar të organizuar, kishte të shtëna nga arma e zjarrit. Ekipet policore të patrullës u asistuan edhe nga njësitë e forenzikës dhe fillimisht gjeten 4 gëzhoja të shkrepura nga një armë zjarri”, ka bërë të ditur policia.

Po ashtu, policia ka kontrolluar edhe dasmorët dhe automjetet e tyre.

“Si dëshmi materiale të njëjtat u sekuestruan dhe u informua Prokurori kujdestar, ku sipas urdhrit, policia kreu kontrolle tek dasmorët dhe në automjetet e tyre. Me ketë rast, fillimisht policia identifikoi si të dyshimtë B.M i lindur në vitin 1982, i cili u ndalua në afat prej 48 orë në mbajtje”, thuhet në njoftim.

Nga i dyshuari është sekuestruar pistoleta e përdorur.

“Gjatë intervistës në prezencë të avokatit mbrojtës, i dyshimti pranoi se i njëjti kishte gjuajtur me armë zjarri të tipit pistoletë Arex, modeli ReXzero1CP. Në lidhje më këtë rast pistoleta e përdorur u sekuestrua. Rasti është duke u hetuar”, bën të ditur policia.

Policia ka apeluar që të mos përdoren armët e zjarrit në ahengje familjare.

“Përkundër thirrjeve dhe projektit “Festo me zëmër dhe jo me armë”, persona të dyshimtë përdorin armë zjarri duke rrezikuar jetën e pjesëmarrësve në ahengje familjare dhe qytetarët për rreth, aty ku banojnë. Policia do të reagojë fuqishëm në të gjitha rastet e paraqitura, andaj përgëzon qytetarët që raportojnë rastet e tilla”, njofton policia./GazetaExpress/

Më Shumë

Arrestohet një person në Prizren, dyshohet se vodhi tavolina

Policia ka arrestuar në mbrëmjen e të mërkurës një person në Prizren, nën dyshimin për vjedhje të tavolinave. Tavolinat ishin gjetur në veturën, të cilën...

Zidane mund të kthehet në Real Madrid në të ardhmen

Legjenda franceze e futbollit, Zinedine Zidane, mund të kthehet sërish në Real Madrid. Sipas The Athletic, ai është favorit për ta marrë drejtimin e klubit...

Lajmet e Fundit