Nën patronatin e ministrit të Kulturës, Rinisë dhe Sportit, Kujtim Gashi, në Prizren organizohen aktivitete në përkujtim të Betejës së Jeshkovës.
Në këtë betejë kanë ranë në altarin e lirisë 21 dëshmorë .
Sot , në Qendrën Sportive “Andrra” zhvillohet turneu I futbollit të vogël. Gara fillon në orën 9 dhe do ta zgjatë deri në orën 17:00, ndërsa në orën 17 e 30 parashihet të organizohet ndarja e shpërblimeve për më të mirët.
Nesër, në orën 10 do të bëhen homazhe në varrezat e dëshmorëve në Landovicë.
Në orën 11:00, do të bëhen homazhe te lapidari dhe varrezat e dëshmorëve ne Jeshkovë, ndërsa në orën 12:00 do të mbahet Akademia Përkujtimore në Shtëpinë e Kulturës “Xhemali Berisha” në Prizren.
