Nëna që vrau të birin pardje në Lushnjë është rrëfyer mbi motivet që e çuan në ngjarjen e rëndë.
“E vrava pasi më dhunonte rëndë”, ak thënë Hatixhe Ahmetaj, 70 vjeç.
Hatixheja kishte dy ditë që ishte kthyer nga Italia ku kishte qendruar te vajzat e saj.
Burimet nga grupi hetimor kanë thënë se kanë gjetur shenja dhune në trupin e 38-vjeçarit duke konfirmuar dëshminë e nënës së tij e cila tha se ishte përleshur me të para se ta mbyste.
Pasi janë përleshur, nëna e ka mbytur në fillim me dorë e më pas e ka lidhur me një palë tuta.
Sipas Hatixhe Ahmetajt, kjo gjendje kishte 7 vite që zgjaste dhe mbajtja përbrenda e dhunës çoi në këtë fund tragjik për të dy. Ajo deklaronte se djali i kishte shitur të gjitha orenditë e shtëpisë dhe se ishte përdorues i rregullt i lëndëve narkotike dhe alkoolit, që konfirmohet edhe nga Policia e Lushnjës.