Shkencëtarët thonë se kanë zbuluar varrin e gjigandit të letërsisë, Miguel de Servantes, rreth 400 vjet pas vdekjes së tij.
Ata besojnë se kanë gjetur eshtrat e tij, të gruas dhe të tjerëve të varrosur në Madrid.
Sipas BBC, ndarja dhe identifikimi i eshtrave të dëmtuara shumë do jetë një proces i vështirë.
Autori i Don Kishotit u varros në vitin 1616 në një kishë, e cila u rindërtua më vonë.
Eshtrat u lëvizën prej andej dhe Princi i Letrave spanjolle humbi për shekuj.
“Ai pati fundin e një varfanjaku,” tha një zyrtar i Bashkisë së Madridit.