Drejtori i Arsimit në Prizren Nexhat Çoçaj, ka paralajmëruar do të bëjë ankesë ndaj aktgjykimit të Gjykatës Themelore në Prizren, për refuzimin që ia ka bërë padisë së tij ndaj kuvendares së VV-së Drita Millaku.
I kontaktuar nga KALLXO.com, drejtori i arsimit në Prizren, Nexhat Çoçaj, tha se ende nuk e ka pranuar aktgjykimin me shkrim.
“Unë ende nuk e kam pranuar vendimin me shkrim dhe nëse është e vërtetë që më është refuzuar padia, unë ju paralajmëroj se do të bëj ankesë brenda afatit ligjor në gjykatën e shkallës së dytë kundër këtij vendimi,” tha Çoçaj.
Kuvendarja e “Vetëvendosjes” Drita Millaku u shpall e pafajshme për shpifje ndaj drejtorit të Arsimit Nexhat Çoçaj.