12.8 C
Prizren
E premte, 9 Maj, 2025

Neymar nuk duron më, ankohet për videot e trajnerit Emery

Aventura e yllit Neymar te PSG-ja nuk po shkon ashtu siç ai e kishte ëndërruar. Sajti brazilian “UOL Esporte” njofton se 25-vjeçari ka pakënaqësi për “maninë” e trajnerit Unai Emery për ta ndihmuar taktikisht duke përdorur videot.

Sulmuesi acarohet kur i duhet të dëgjojë deri në 30 minuta për mënyrën se si duhet të luajë. Ai është lojtar i aksionit dhe jo i mendimit. Kjo ka bërë që të ankohet te drejtuesit e klubit, sepse nuk duron më. Pavarësisht se edhe trajneri i Brazilit, Tite, i përdor videot, ai problemin e ka me stërvitjen në klub.

“Neymar ka nevojë për kohë që të përshtatet dhe që shokët e tij të përshtaten me të. Ai është një lojtar i cili krijon shumë presion dhe ashpërsi kur ka topin. Është Neymar, luan si Neymar dhe do të rritet si Neymar. Po analizojmë disa video me të për të parë se si mund të rritet, sidomos në pozicionim dhe në lidhjen me skuadrën”, – tha Emery së fundmi.

Ish-lojtari i Barcelonës, megjithatë, nuk ndihet rehat me këto kushte, gjë që ia ka komunikuar edhe skuadrës. E vetmja gjë që i pëlqen nga trajneri i tij është fakti se deri tani ky i fundit i ka dhënë liri në fushë.

Më Shumë

Shtetasi turk theri për vdekje vajzën në Prizren, plagosi gruan dhe vajzën tjetër, Prokuroria atje del me njoftim të ri

Prokuroria Themelore në Prizren ka lëshuar një komunikatë për rastin e rëndë që ndodhi mëngjesin e së martës në Prizren. Bazuar në hetimin fillestar, dyshohet...

Lëndohet Kasume i Lirisë – thyen gishtin e këmbës

Liria e Prizrenit ka njoftuar se lojtari i tij, Romeo Kasume, ka pësuar një lëndim gjatë ndeshjes kundër Vëllaznimit. Pas ekzaminimeve mjekësore, është konfirmuar...

Lajmet e Fundit