Nisma në Prizren është distancuar nga votimi i buxhetit nga kuvendari i tyre, Sinan Aliaj.
Sipas këtij subjekti politik, Aliaj nuk ka përfaqësuar qëndrimin e Nismës.
“Nisma Socialdemokrate – Dega në Prizren, bënë me dije se qëndrimi i Sinan Aliajt në mbledhjen e sotme të Kuvendit Komunal ka qenë individual dhe nuk ka përfaqësuar qëndrimin politik të Nismës në Prizren”, thuhet në komunikatën e Nismës në Prizren.
“Nisma Socialdemokrate në Prizren mendon se buxheti i Prizrenit është i konstruktuar mbi harta të ndikimit partiak, e përpiluar nga komisarë politik të Mytaher Haskukës”.
“Buxheti i Prizrenit për vitin 2020 nuk i përfshinë kërkesat prioritetet të të gjithë qytetarëve të Komunës së Prizrenit, si në qytet ashtu edhe në fshat, prandaj si i tillë nuk është në të mirë të qytetarëve, por është në të mirë e klaneve të caktuara të interesit”.
Kuvendari i Nismës, Sinan Aliaj, ka votuar sot buxhetin e Komunës së Prizrenit për vitin 2020./PrizrenPress.com/