Nisma në Prizren, ndryshimet e Qeverisë së Ramadan Muja, i ka vlerësuar kallkë zingjirore e krimit dhe korrupsionit.
“I dënuari për krim dhe korrupsion Ramadan Muja, freskon zingjirin mafioz të qeverisë në Prizren!”, thuhet në komunikatën e NIsmës në Prizren.
“Pasi u kuptua tashmë mënyra e emërimeve nëpër poste e borde të ndryshme anekënd Kosovës falë aferës PRONTO, kësaj radhe si duket ndryshoj qasja e emërimeve. Kësaj radhe ndërhyrja e SHEFIT të shefit të shefave, ishte e drejtpërdrejtë, pa patur nevojë të shkëmbehen biseda telefonike”.
“Ndryshimet kozmetike që janë bërë në qeverinë komunale në Prizren nuk janë asgjë tjetër përveçse një vazhdimësi e politikes korruptive dhe denigruese për qytetin tonë”.
“Shkarkimi i gjashtë drejtorëve me pretekstin se për dinamizëm të punës është jo i qëndrueshëm, sepse të gjithë këta janë nën hetime të organeve të drejtësisë për krim të organizuar dhe korrupsion dhe që i kanë shërbyer parapolitikes së PDK-së, e cila e ka pas edhe para këtyre, 5 drejtora të dënuar me burg në rastin e Ramadan Mujes”.
“Se ky nuk është ndonjë ndryshim i pritur, tregon fakti se emërimin e ka bërë i dënuari me 2 vjet burg për korrupsion, shkelje ligjore dhe dëmtim te pasurisë komunale për interesa të tjetër kujt, Ramadan Muja, si dhe i denuari tjetër nga drejtësia me 1 e 6 muj burg Minir Krasniqi, kryetari i deges së PDK-së në Prizren i cili është dhe mbetet arkitekti i të gjitha vjedhjeve dhe te zezave qe i vjen qytetit të Prizrenit” .
“Ramandan Muja para se ta shkarkojë dikend tjetër, është dashtë ta shkarkojë vetveten, në mënyrë që të mos mbahet peng perspektiva e e qytetarëve të Prizrenit, të cilët për vite të tëra po identifikohen si qytetar të një qyteti, ku kryetari është hajdut dhe i denuar nga drejtësia”.
“Nëse patronet e krimit të organizuar në Prizren me direktivat e atyre në Prishtinë, mendojnë se qeveria aktuale është një storje suksesi, lirisht këtë sukses mundë ti’a atribuojnë vetes së tyre dhe le ta dërgoin në shtëpit e tyre, por asesi Prizrenit ngase këta bandit dhe hajdut ordiner, nuk kanë të ndalur së ofenduari këtë qytet. Emërimet e sotme nuk janë asgjë tjetër përveç vazhdimësi e keqqeverisjes në Prizren, disa nga të cilët ende pa u emëruar, janë të njohur se si hallkë zingjirore dhe logjistik e deritashme e mafiozitetit, që vepron tash e sa vite në Prizren”./PrizrenPress.com/