Anëtari i Kryesisë së AAK-së, Muharrem Nitaj i është kundërpërgjigjur kryeministrit Isa Mustafa, i cili kishte thënë se edhe AAK, që sot po e kundërshton Asociacionin e Komunave Serbe, e kishte votuar në Kuvend. Nitaj ka thënë se AAK kishte votuar diçka tjetër, ndërkaq, sipas tij, Isa Mustafa ka nënshkruar për diçka tjetër.
Lexojeni të plotë shënimin e tij:
Kryeministri Mustafa nuk është i sinqertë kur flet për votimin e Asociacionit. Ai e din shumë mirë se cka ka është votuar në Kuvend e çka ka nënshkruar ai. AAK nuk ka votuar që Asociacioni me qenë titullar i pronave në Kosovë. Nuk ka votuar që Asociacioni me propozu komandantët e policisë. Nuk është votuar që Asocoacioni me qenë palë përfaqësuese në sistemin gjyqësor duke përfshirë edhe Gjykatën Kushtetuese. Nuk është votuar që punonjësit i Asociacionit me qenë shërbyes civilë. Të gjitha këto janë zbulim i Kryeministrit dhe ai duhet të japë sqarime për nënshkrimin e tij e jo tu thotë qytetarëve kujdes cka po nënshkruani. Deputetët e AAK-së kanë votu për një Asociacion tjetër e jo për këtë që e ka nënshkruar zoti Kryeministër