“Jam i sigurt që ky libër do t’i bëjë bashkë lexuesin e dikurshëm dhe të sotëm të Kadaresë. Është si një “Ftesë në studio” por në tjetër kohë, tjetër vend. Këtu, studio është Kafeneja Rostand, ku Kadare ka shkruar disa nga romanet dhe esetë e tij. Nga ky libër do të përmendja për lexuesin vetëm një fragment, portretin me titull “Kukulla”. Për herë të parë një rrëfim i sinqertë, befasues, krejt i origjinal i Kadaresë për nënën e tij”.
Botuesi Bujar Hudhri i “Onufrit” thotë se në prag të Panairit të Librit që zhvillohet në nëntor në Tiranë, do të prezantojë dhe një libër të rëndësishëm të Kadaresë me titull “Mëngjeset në Kafe Rostand. Motive nga Parisi”.
Gjatë një interviste të dhënë për të përditshmen “Mapo”, botuesi i njohur thotë: “Jam i sigurt që ky libër do t’i bëjë bashkë lexuesin e dikurshëm dhe të sotëm të Kadaresë. Është si një “Ftesë në studio” por në tjetër kohë, tjetër vend. Këtu, studio është Kafeneja Rostand, ku Kadare ka shkruar disa nga romanet dhe esetë e tij. Nga ky libër do të përmendja për lexuesin vetëm një fragment, portretin me titull “Kukulla”. Për herë të parë një rrëfim i sinqertë, befasues, krejt i origjinal i Kadaresë për nënën e tij”.
Në katalog të panairit vërehet edhe një ardhje e Martin Camajt.
“Për botimin e Camajt, në fakt, zoti Bardhyl Demiraj, profesor ordinar në Universitetin Ludwig-Maximilian të Munihut, më kishte dërguar një lutje. I thashë se fjalën lutje e lexoj nder. Nder për mua, që pasi kisha realizuar krejt veprën e Kadaresë në njëzet vëllime, tani të botoja një mjeshtër tjetër të letërsisë shqipe. Brenda një kohe prej gjashtë muajsh, u botua krejt vepra në 10 vëllime, me cilësi të lartë, me financimin e Onufrit. Në bilancin gati çerekshekullor të Onufrit, ky është një botim shumë i çmuar” pohon Hudhri. / KultPlus.com